5c sinfi şagirdləri Heydər Əliyev mərkəzində olublar
28 may-Respublika günü ilə əlaqədar liseyin azərbaycan dili müəllimi Kəmalə Abdullayeva 5c sinif şagirdləri və valideynləri ilə birlikdə Heydər Əliyev mərkəzində olublar.
Kəmalə Abdullayeva şagirdlərə muzey haqqında, Respublika gününün yaranması ilə haqqında ətraflı məlumat verilib.
28 May - Respublika Günü şanlı tariximizə qızıl hərflərlə həkk olunmuş, hər bir Azərbaycan vətəndaşının qürur mənbəyi olan bir gündür. 1918-ci il mayın 28-də mürəkkəb siyasi hərbi-şəraitdə əsarət altında yaşayan, tarixi, mədəniyyəti, dili, dini sıxışdırılan Azərbaycan xalqı özünün və Şərqin ilk demokratik, hüquqi, dünyəvi və parlamentli respublikasını yaradıb.
Sonra Heydər Əliyev Mərkəzinin əməkdaşları tərəfindən iştirakçılara Azərbaycan xalqının Ümummilli Lideri Heydər Əliyevin şərəfli ömür yolu, zəngin dövlətçilik irsini, ölkəmizin tərəqqisi uğrunda göstərdiyi çoxsaylı xidmətlərini özündə əks etdirən eksponat və fotostendlər haqqında ətraflı məlumat verilib.
Gəzinti həm şagirdlər,həm də valideynlər tərəfindən olduqca maraqla qarşılanıb.
