Kiçik Akademiyanın seminarı
27.02.2017-ci il tarixdə liseydə Kiçik Akademiyanın növbəti seminarı keçirilmişdir. Seminarda 11-ci sinif şagirdi Əhmədova Lamiyə "Sinir sisteminə informasiyanın ötürülməsi" adlı maraqlı mövzu ilə çıxış etdi. Sinir sisteminə mənfi və müsbət təsir edən amillərdən söhbət açdı və faydalı məsləhətlər verməyi də unutmadı. Çıxışın sonunda Ə.Lamiyə ona verilən sualları cavablandırdı.Liseyin təşkilat işləri üzrə direktor müavini, filologiya üzrə fəlsəfə doktoru Z.M.Qasımova “İslam dinini qəbul etmiş böyük şəxsiyyətlər” adlı növbəti mövzu ilə çıxış etdi. Öz çıxışında müasir dövrümüzdə xristian dünyasının müsəlman aləminə qənim kəsildiyindən, buna baxmayaraq hal-hazırda islam dinini qəbul etmiş xristianların sayının 1 milyarddan artıq olduğunu seminar istirakçılarının diqqətinə çatdırdı. Z.M.Qasımova islam dininin bəzən düzgün təbliğ olunmadığını da təəssüf hissi ilə qeyd etdi. Seminarda liseyin direktoru, fənn müəllimləri və yuxarı sinif şagirdləri iştirak etdilər.
