Ümummilli lider Heydər Əliyevlə bağlı dəyirmi masa keçirilib
12 dekabr 2023-cü il tarixdə Təşkilat işləri üzrə direktor müavini Zeynəb Qasımovanın təşkilatçılığı ilə Ümummilli Lider Heydər Əliyevin anım gününə həsr olunmuş dəyirmi masa keçirilib.
Tədbirdə liseyin müəllimləri, yuxarı sinif şagirdləri iştirak ediblər.
Tədbiri giriş sözü ilə açan Zeynəb Qasımova qeyd edib ki, Ulu Öndərimiz dünyanın hər tərəfindən görünən uca zirvədir. Z.Qasımova Heydər Əliyevin azərbaycançılıq siyasətindən geniş danışıb.
Liseyin GH müəllimi F.Salamov Heydər Əliyevin Hərbi sahəsində xidmətlərindən, UBTR Ə.Zeynalova Naxçıvanda olarkən onunla keçirilmiş görüşün xatirələrindən, musqi müəllimi G.Muxtarova dahi liderin mədəniyyət və incəcənət sahəsindəki gördüyü tarixi işlərdən, rəsm müəllimi Ü.Adıgözəlova həmin dövrdə memarlara və memarlıq işlərinə verilən dəyərdən, Azərbaycan dili və ədəbiyyat müəllimi T.Məmmədova doğma dilimizin dövlət kimi Konstitusiyada yer almasında ümummilli liderimizin misilsiz xidmətlərindən söz açdılar. Liseyin fiziki tərbiyə müəllimi M.Mehtiyev idman nailiyyətlərimizin beynəlxalq aləmdə özünəməxsus yer tutmasının bünövrəsinin Ulu Öndər tərəfindən qoyulduğunu vurğulayıb.
Tədbir 9-cu sinif şagirdi Qasımova Elzanın Heydər Əliyevin həyat və yaradıcılığını əks etdirən slaydları təqdim etməklə başa çatıb.
