“Canlı aləmə qayğı göstərək” adlı tədbir baş tutub
Bakı Zooloji Parkı və Elm və Təhsil Nazirliyi Respublika Uşaq-Gənclər İnkişaf Mərkəzi ilə birgə təşkilatçılığı olan “Yaşıl Şəbəkə” ekoloji maarifləndirmə proqramı çərçivəsində “Canlı aləmə qayğı göstərək” adlı tədbir baş tutub.
Liseyin 5b sinif şagirdləri RUGİM-nin dərnək rəhbəri Mətanət Qasımovanın təşkilatçılığı ilə Bakı Zooloji Parkındakı tədbirdə iştirak ediblər.
Tədbir zamanı uşaqlar Azərbaycanın və digər ölkələrin unikal flora, fauna nümunələri ilə tanış olub, təbiətə və canlı aləmə sevgi, qayğı hisslərinin aşılanması, nadir və nəsli kəsilmək üzrə olan növlərin mühafizəsi barədə biliklər qazanıblar.
Sonra şagirdlərə zoopark ərazisində interaktiv ekskursiya təşkil olunub.
