"Zəfərimiz şərəf tariximizdir" adlı açıq dərs keçirilib
07 noyabr 2023-cü il tarixdə UBTR-i A. Zeynalovanın təşkilatçılığı ilə 5b sinfində 8 noyabr-Zəfər Gününə həsr olunmuş "Zəfərimiz şərəf tariximizdir" adlı açıq dərs keçirilib.
Əvvəlcə Azərbaycan Respublikasının Dövlət himni səslənib və şəhidlərin xatirəsi bir dəqiqəlik sükutla yad edilib.
Açıq dərsdə liseyin pedoqoji kollektivi, şəhid ailələri və valideynlər iştirak edib.
Şagirdlər mövzu üzrə 4 komandaya bölünüblər: "Yaşa Azərbaycan", "Dəmir yumruq", "Torpağın səsi", "Qarabağ Azərbaycandır".
Hər komanda üzərinə düşən tapşırıqların öhdəsindən layiqincə gəliblər.
Vətənpərvərlik mövzusunda söylənən şeirlər şagirdlərdə həm vətənpərvərlik, həm də bədii qiraət bacarığınıın inkişaf etdiyini göstərir.
Eyni zamanda təqdim olunan "Dəmir yumruq" və "Torpağın səsi" adlı səhnəciklərdə şagirdlər vətənə məhəbbət hissi ilə yanaşı özlərinin oyunçuluq bacarıqlarını da nümayiş etdiriblər.
Açıq dərsdə şəhid ailələri çıxış edərək şagirdlərə yaxşı oxumağı və vətənpərvər olmağı tövsiyə ediblər.
Tədbirin sonunda liseyin direktoru, filologiya elmləri üzrə fəlsəfə doktoru Arif Əsədov çıxış edib.
O, şagirdləri Şanlı Zəfər Günü münasibətilə təbrik edərək onların təqdimatlarıını yüksək dəyərləndirib.
Sonda şagirdlər diplomla mükafatlandırılıb.
