"Qarabağ Azərbaycandır!" adlı intellektual oyun yarışması təşkil olunub
06 noyabr 2023 cü il tarixdə Respublika Uşaq-Gənclər İnkişaf Mərkəzi Publik Hüquqi şəxsin İntellektual İnkişaf şöbəsinin təşkilatçılığı ilə şəhər məktəbliləri və RUGİM-in dərnək üzvlərindən ibarət komandalar ilə 8 Noyabr Zəfər gününə həsr olunan "Qarabağ Azərbaycandır!" adlı intellektual oyun yarışması təşkil olunub.
Tədbir Azərbaycan Respublikasının dövlət himninin səslənməsi ilə başlanıb.
Yarışmanın məqsədi vətənimizin coğrafiyasını və tarixini tanıtmaq, qələbənin sevincini gənclərə yaşatmaq idi.
Yarışmada hər komandada 5 nəfər olmaqla 4 komanda iştirak edib.
Oyun 3 mərhələdən ibarət olub. Sonuncu mərhələdə qaliblik qazanan komanda üzvləri Respublika Uşaq- Gənclər İnkişaf Mərkəzi Publik Hüquqi şəxsin diplomları ilə təltif olunub.
Oyunda iştirak edən liseyimizin komandası və digər komandalar fəal iştirakına görə mərkəzin sertifikatları ilə təltif olunub.
