"Azadla Zəfərə doğru" adlı xatirə gecəsi keçirilib
Liseyin UBTR-i Ətlaz Zeynalovanın təşkilatçılığı ilə liseyin şəhid məzunu, Vətən Müharibəsi Qəhrəmanı, baş leytenant Azad Arif oğlu Hümbətovun anım gününə həsr olunmuş "Azadla Zəfərə doğru" adlı xatirə gecəsi keçirilib. Tədbirdə məktəbin pedoqoji kollektivi, şəhidin ailə üzvləri, vaideynlər və digər şəxslər iştirak edib.
Tədbirdə Dövlət Himni səsləndirilib və qəhrəmanımız Azad Hümbətovun xatirəsi bir dəqiqəlik sükutla yad edilib.
Daha sonra səhnə şagirdlərin ixtiyarına verilib. Azad Hümbətovun döyüş yolu işiqlandırılıb və onun xatirəsinə həsr olunmuş şeirlər söylənilib.
Azad Hümbətovun qəhrəmanlığını əks etdirən "Cəsur komandir" adlı səhnəcik tamaşaçıları kövrəltsə də, onlarda fəxr, qürur hissi oyadıb. Şagirdlərin hazırladığı fotostendlər isə onların qəlbindəki yüksək vətənpərvərlik hissinin təzahürü kimi qiymətləndirilib.
Tədbirdə 8ç sinfinin şagirdlərinin ifasında sözləri UBTR-i Ətlaz Zeynalovaya, musiqisi isə Azadın musiqi müəllimi Gülbənız Muxtarovaya məxsus "Mərd komandir" mahnısı səslənib.
Tədbirin bədii hissəsi başa çatdıqdan sonra çıxışlara yer verilib.
Liseyin direktoru, filologiya elmləri üzrə fəlsəfə doktoru Arif Əsədov qəhrəmanlarımızın keçdiyi şanlı döyüş yolundan və bu doyüş yolunun gələcək nəsillərə bir örnək olduğunu qeyd edib.
Şagirlərə bildirilib ki, vətənimiz uğrunda qəhrəmanlıq göstərən hər bir igidimiz bizim üçün müqqəddəsdir. Sonda şəhid ailələri qəhrəman şəhidlərimizlə bağlı öz xatirələrini danışıblar.
