Müstəqilliyin Bərpası Gününə həsr olunmuş tədbir keçirilib
18 oktyabr 2023 -cü il tarixdə liseyin UBTR-i Ətlaz Zeynalovanın təşkilatçılığı ilə Müstəqilliyin Bərpası Gününə həsr olunmuş "Anam Azərbaycan" adlı tədbir keçirilib. Tədbirdə liseyin pedoqoji kollektivi və valideynlər iştirak edib.
5ç sinfinin şagirdləri böyük qürur, fəxrlə dövlətimizin yaranması, möhkəmlənməsi, dilinin, mədəniyyətinin inkişafı və onun torpaqlarının azadlığı uğrunda misilsiz xidmətləri olan dövlət xadimlərindən söhbət açıblar.
Eyni zamanda şagirdlər səhnədə bu dahi şəxsiyyətlərin obrazlarını canlandırıblar. İştirakçılar bir-birindən maraqlı məlumatlar verib, şeir və mahnılar ifa ediblər.
Bədii hissədən sonra çıxışlara yer verilib. Çıxış edənlər vətənpərvərlik mövzusundan söz açıb və bütün xalqımızı Müstəqilliyin Bərpası Günü münasibəti ilə təbrik ediblər.
Tədbirin sonunda "Yaşa Azərbaycan" mahnısı səsləndirilib.
