Şagirdlərimiz astronavtlar Dumitru Dorin Prinariu və Victor Hespanha ilə görüşdə iştirak edib
74-cü Beynəlxalq Astronavtika Konqresi çərçivəsində Azərbaycan Respublikasının Kosmik Agentliyi - Azərkosmos və Elm və Təhsil Nazirliyi Respublika Uşaq-Gənclər İnkişaf Mərkəzinin birgə təşkilatçılığı ilə astronavtlar Dumitru Dorin Prunariu və Victor Hespanha ilə görüş keçirilib.
Respublika Uşaq-Gənclər İnkişaf Mərkəzinin direktoru Firuzə Sultan-zadə açılış nitqi ilə qonaqları salamlayıb, Mərkəzin astronomiya dərnəkləri, Ümumdünya Aviasiya və Kosmonavtika günü ilə bağlı hər il təşkil etdiyi tədbirlər haqqında danışıb, məktəblilərin bu sahəyə böyük marağını qeyd edib.
Beynəlxalq Astronavtika Konqresinin 2023-cü il layihəsi və Astronavtlar proqramı haqqında tədbir iştirakçılarına Azərbaycan Respublikasının Kosmik Agentliyinin Təhsil və Tanıtım üzrə menecer İmran Muxtarov məlumat verib.
Daha sonra Dumitru Dorin Prinariu və Victor Hespanha (astronavtlar) Kosmik missiya, kosmosa uçuş təcrübəsi ilə ekoklub üvzlərinə öz biliklərini bölüşüb.
Sonda Dumitru Dorin Prinariu və Victor Hespanha ilə sual-cavab sessiyasi keçirilib, ekoklub və gənc astronomlar dərnəyinin üvzləri üçün avtoqraf və fotosessiya təşkil edilib.
Astronavtlarla görüşdə Respublika Uşaq-Gənclər İnkişaf Mərkəzinin 100-ə yaxın ekoklub üzvləri iştirak ediblər.
"Bal arıları" ekoklubunun dərnək rəhbəri Mətanət Qasımovanın təşkilatçılığı ilə liseyimizin şagirdləri də bu görüşdə iştirak ediblər.
