Liseyimizin dəyərli müəlimlərini təbrik edirik!
291 nömrəli Ekologiya iseyi hər tədris ilində xüsusi tədris hadisələri, təlim və tərbiyədə bir neçə yeni nailiyyətlərlə yadda qalmağı bacarır. Bunun səbəblərindən birincisi dəyərli kollektivimizdir. Hazırda liseyimizdə 4 fəlsəfə doktoru-Arif Əsədov, Ariz Məmmədov, Zeynəb Qasımova, Mələk Məmmədova, 3 əməkdar müəllim-Nəzmiyyə Qurbanova, Məhəbbət Həsənova, Gülarə Əliyeva, 1 nəfər "Tərəqqi" medallı müəllim-Səadət Kərimova, 1 nəfər "Qabaqcıl təhsil işçisi" döş nişanlı müəllim - Zeynəb Qasımova, 1 nəfər Təhsil nazirinin Fəxr Fərmanını almış müəllim-Mirac Kazımova fəaliyyət göstərir.
Liseyimizin müəllimləri müxtəlif elmi, praktik seminarlarda, yerli və xarici konfranslarda davamlı olaraq iştirak edirlər. Eyni zamanda bir neçə gənc müəllimimiz təhsilini hazırda magistratura pilləsində Ada Universiteti, Azərbaycan Dövlət Pedoqoji Universiteti, Bakı Dövlət Universiteti kimi nüfuzlu Ali təhsil müəssisələrində davam etdirir. Bunlar birbaşa şagirdlərimizə, onların bilik və bacarıqlarının inkişafına stimul verir və müsbət akademik göstəricilərimizin əsas qaynağına çevrilir.
