Bu gün məktəblərdə ilk dərs günüdür
15 sentyabr 2023- cü il tarixdə Azad Hümbətov adına 291 №-li Ekologiya liseyində "Bilik günü" nə həsr olunmuş tədbir keçrilib. Əvvəlcə tədbirdə Azərbaycan Respubıikasının Dövlət Himni səslənib.
Sonra liseyin şəhid məzunu, baş leytenant, Vətən Müharibəsi Qəhrəmanı Azad Hümbətovun rəsminin önünə xatirə çələngi qoyulub.
Liseyin direktoru filologiya elmlər üzrə fəlsəfə doktoru Arif Əsədov çıxış edərək, məktəbin bütün müəllim və şagird kollektivini yeni dərs ilinin başlanması münasibətilə təbrik edib. Liseyin direktoru Arif Əsədov keçən dərs ilində liseyin qazandığı yüksək uğurlaradan bəhs edib.
Tədbirdə iştirak edən Vətən Müharibəsi Qəhrəmanı Azad Hümbətovun atası Arif Hümbətov, Nərimanov rayon İcra hakimiyyətinin müavini İradə Muradova, şair Mərcan Şahbuzlu iştirak ediblər. Arif Hümbətov pedoqoji kollektivi təbrik edərək şagirdlərə Azad kimi vətənpərvər və cəsur olmağı arzulayıb.
Sonra Nəriman Nərimanov rayon icra hakimiyyətinin nümayəndəsi İradə Mahmudovaya söz verilib. İradə Mahmudova liseyin uğurlarına görə kollektivi təbrik edib, uğurlar arzulayıb.
Şairə Mərcan Şahbuzlu isə tədbir iştirakçılarını özünün vətənpərvərlik mövzunda olan şeiri ilə təbrik edib və şagirdlərə həmişə vətəni, milləti sevməyi tövsiyyə edib.
Sonda liseyin direktor müavinləri Sevinc Hüseynova və Zeynəb Qasımova çıxış edərək yeni tədris ilində müəllim, şagird kollektivini və valideynləri təbrik ediblər. Liseyə yeni qədəm qoyan şagirdlərə uğurlar arzulayıblar.
Tədbirin sonunda "Bilik günü" nün ilk zəngi səslənib.
