Məzunlarla görüş keçirilib
14 sentyabr tarixdə liseydə yüksək nəticə ilə ali məktəblərə qəbul olunan məzunlarla görüş keçirilib.Bu il liseyimizi 78 nəfər məzun bitirib. Onlardan 1 nəfəri xüsusi nümunəli attestatla qızıl medalla, 11 nəfəri qırmızı attestatla məzun olub. Məzunlarımızın 76 nəfəri ali təhsil müəssisələrinə qəbul olunub. Məzunlarımızdan 9 nəfəri 600 baldan, 12 nəfəri 500 baldan, 14 nəfəri 400 baldan, 15 nəfəri 300 baldan, digərləri 200 baldan yuxarı nəticə göstəribdir. 5 şagirdimiz xarici ölkələrdə təhsil almaq hüququ qazanıb.
Bu gün həmin məzunlarımızdan 600 baldan yüksək nəticə göstərmiş 9 nəfəri ilə görüş keçirilib. Görüş zamanı liseyin direktoru, filologiya elmlər üzrə fəlsəfə doktoru Arif Əsədov məzunları təbrik edib və məzunlara yeni tədris ilindətəhsil və karyeralarında uğurlar arzulayıb.
Məzunlar da öz növbəsində liseyin müəllimlərinin onların bu uğurunda zəhmətlərinin danılmaz olduğunu bildirdilər və öz müəllimlərinə bir daha təşəkkürlərini ifadə etdilər.
