5a sinif şagirdləri Suraxanı gəmi muzeyində ekskursiyada olub
11 iyun 2023-cü il tarixində 5a sinif şagirdləri sinif rəhbərləri Ə.Qaybalıyevanın təşkilatçılığı ilə Suraxanı gəmi muzeyində ekskursiyada olublar.
Gəmi-muzey maraqlı eksponatlarla zəngindir. Muzeydə dünyaca üç məşhur dəniz mayakının modelləri ilə tanış olmaq imkanı da var. Şagirdlər naviqasiya masasında Xəzər dənizində üzən gəmilərin marşrutu, xarici kommunikasiya və naviqasiyaları ilə tanışlıq fürsəti əldə edblər. Burada keçmişə səyahət də mümkündür.
Sonra şagirdlər ötən əsrin ortalarına səyahət edən gəminin maşın şöbəsində çalışan heyətin gündəlik iş həyatı ilə yaxından tanış olublar. Gəmi-muzeyin maraqlı ekspozisiyalarından biri də okean və dənizlərdən yığılan flora və fauna nümunələrinin sərgiləndiyi guşədir.
Ekskursiya olduqca maraqlı və öyrədici olub.
