Ulu Öndər Heydər Əliyevin 100 illiyinə həsr olunmuş "Bilik yarışı"nın qalib komandaları mükafatlandırılıb
Ulu Öndər Heydər Əliyevin anadan olmasının 100 illik yubileyinə həsr olunmuş "Bilik yarışma" sı 10 may tarixində yekunlaşıb.
Yarışın 6-cı günü 10-cu siniflərin finala qalmış 3 komandası yarışa qatılıb. Nəticədə Xa sinfinin "Birlik" komandası, Xb sinfinin "Geniues" komandası 10-lar arasında qalib olub.
Sonra lisey rəhbərliyi tərəfindən akt zalında mükafatlandırma mərasimi keçirilib, qalib komandalar hədiyyə və tərifnamələrlə təltif olunublar.
Yarışın təşkilində fəallıq göstərmiş yarışmanın təşkilat komitəsi üzvləri - Arif Əsədov, Zeynəb Qasımova, Sevinc Hüseynova, Əfsanə Əhmədova, Sitarə Salahova, Atlaz Zeynalova, Nuranə İbrahimxəlilova, Tünzalə Cəfərquliyeva, Azər Gülməmmədov, Zaur Cəfərov, Vüsalə Həsənova eləcə də yarışın 2 mərhələ üzrə sualların hazırlanmasında əməyi olan fənn müəllimləri yarış haqqında öz fikirlərini söyləyib və "Bilik yarışma" da bilik və bacarıqlarını nümayiş etdirmələrini alqışlayıblar.
Münsiflər heyəti - Sədaqət Əliyeva, Kübra Əmiraslanova, Arzu Bayramova, Gülnarə Cəfərova, Rəhilə Hacıyeva çıxış edərək yarış istiqamətində şagirdlərin yarış zamanı müzakirə mədəniyyəti, komanda üzvlərinin əməkdaşlıq, sosiallaşma, empatiya, motivasiya etmək kimi xüsüsiyyətlərinin inkişafı haqda düşüncələrini açıqlayıblar.
Tədbirin sonunda layihənin rəhbəri liseyin direktoru Arif Əsədov çıxış edərək yarışın iştirakçılarını və qalibləri təbrik edib, bu bilik yarışmasının liseydə hər il ənənə alacağını vurğulayıb.
Tədbirin davamı olaraq liseyimizin adını daşıyan şəhid Azad Hümbətovun atası Nərimanov Rayon Ağsaqqallar Şurasının sədri Arif Hümbətov tədbirdə iştirak edib, Ümumilli lider Heydər Əliyevin anadan olmasının 100 illiyi münasibətilə Nərimanov Rayon İcra Komitəsi adından liseyi və tədbirin iştirakçılarını təbrik edib.
Bilik yarışının iştirakçları fəxri diplomlarla təltif ediliblər. Tədbir xoş yaddaqalan anlarını xatirə şəkli çəkdirməklə başa çatıb.
