Şagirdlərimiz Şirvanşahlar saray kompleksində ekskursiyada olublar
02 may 2023-cü il tarixində Azad Hümbətov adına 291№-li Ekologiya liseyinin 8a sinif şagirdləri sinif rəhbərləri Sevda Zamanovanın təşkilatçılığı ilə Şirvanşahlar saray kompleksində ekskursiyada olublar.
Şirvanşahlar sarayı Azərbaycan memarlığının incisi hesab edilir və qədim memarlıq ənənələrini özündə əks etdirir. Bakının tarixi tikililəri arasında mühüm yer tutan Şirvanşahlar sarayı XV əsrdə Şirvanşah I Xəlilullah (hakimiyyət illəri 1417-1462) tərəfindən tikilib. İçəri şəhərdə yerləşən bu saray kompleksi Yaxın Şərqin ən görkəmli memarlıq abidələrindən biri sayılır.
Şagirdlər Azərbaycanın ən qədim dövlətlərindən olan Şirvanşahlar dövlətinin tarixi ilə yaxından tanış olublar. Orada sərgilənən eksponatları şagirdlər maraqla qarşılayıblar. Kompleksin möhtəşəmliyi şagirdlərə xoş təəssürat bağışlayıb.
