"Kitab bilik mənbəyidir" mövzusunda İngilis dilində maraqlı tədbir keçirilib
27 aprel 2023-cü il tarıxındə 291 saylı Azad Hümbətov adına Ekologiya liseyində "Kitab bilik mənbəyidir" mövzusunda İngilis dilində maraqlı tədbir keçirilib.
Azərbaycan Pedeqoji Universitetinin İngilis dili fakültəsinin təcrübədə olan tələbələrinin və Ekologiya liseyinin şagirdlərinin iştirakı ilə baş tutan bu möhtəşəm tədbir hər bir dinləyicinin, tədbir iştrakçısının zövqünü oxşayıb. Biri-birindən maraqlı, həyəcanlı çıxışlarda Ekologiya liseyinin şagirdləri İngilis dilində olan bilik, bacarıq və qabiliyyətlərini yüksək səviyyədə sərgilədilər, mütaliənin çox vacib amil olduğunu nəzərə çatdırıblar.
Deyilən şeirlər, ifadə olunan əsərlər, səhnəciklər, oxunulan mahnılar, lisey şagirdlərinin İngilis dilinə olan maraqlarının yüksək səviyyədə olmasını bir daha sübut edib.
Tədbirdə iştirak edən Tərbiyə işləri üzrə direktor müavini Zeynəb Qasımova, şagirdlərin və pedeqoji təcrübədə olan universitet tələbələrinin birgə işini çıxışında yüksək dəyərləndirib.
Pedeqoji Universitetinin müəllim kollektivi təcrübədə olan tələbələrə göstərilən qayğı və dəstəyə görə Ekologiya liseyinin direktoru A.A.Əsədova və liseyin müəllim kollektivinə dərin təşəkkürlərini bildiriblər.
