Aprel döyüşləri tariximizin şanlı səhifəsidir
03 aprel 2023-cü il tarixində liseydə ilk dərslər Aprel döyüşlərinə həsr olunub. Aprel döyüşləri tariximizin şanlı səhifəsidir!
2016-cı il aprelin əvvəllərində Azərbaycanın ön xətt mövqeləri və yaşayış məntəqələri Ermənistan silahlı qüvvələri tərəfindən intensiv artilleriya atəşinə məruz qalanda ordumuzun bölmələri əks-həmlə ilə təxribatların qarşısını alıb. Bu, aprel döyüşləri kimi tarixiləşdi.
Döyüşlər Azərbaycan Ordusunun qələbəsi ilə nəticələnib. Tərtər rayonunun Talış kəndi ətrafındakı yüksəkliklər, Cəbrayıl rayonunun Lələtəpə yüksəkliyi və Cocuq Mərcanlı, Goranboy rayonunun Gülüstan kəndi və Tərtər rayonunun Madagiz kəndi istiqamətində bəzi mövqelər düşməndən azad olunub. Bununla da cinayətkar erməni rəhbərlərinin keçilməz erməni səngərləri haqqında mifi alt-üst edilib.
Lİseyin tarix müəllimi Ziyafət Nəcəfova 8a sinfində Aprel döyüşlərinə həsr olunmuş dərs keçirib. Ziyafət Nəcəfova şagirdlərə bu tarixi hadisə haqqında məlumat verib.
Şagirdlər Aprel döyüşləri ilə bağlı esse yazıblar.
