"Dalğa" bədii qiraət dərnəyinin növbəti hazırlıq məşqləri keçirilib
30 mart 2023-cü il tarixdə liseydə fəaliyyət göstərən "Dalğa" bədii qiraət dərnəyinin növbəti hazırlıq məşqləri keçirilib.
Dərnəyin bugünkü mövzusu Qurbaninin "Bənövşə" şeiri olub. Əvvəlcə Qurbaninin yaradıcılığı və eləcə də, "Bənövşə" şeiri haqda şagirdlərə məlumat verilib.
"Şeirdə baharın gəlişi ilə bənövşənin gözəlliyi, onun ətrafa saçdığı xoş ətir təsvir edilib.
İlk olaraq şagirdlərə şeirin intonasiyası müəyyənləşdirilir. Şeirin intonasiyası ilə yanaşı obrazlı təqdimat diqqətə çatdırılıb.
Bütün bunlar şeirin mənimsənilməsində və obrazlı qiraətində müsbət rol oynayır. Şeir üzərindəki oxu qaydaları mənimsənildikdən sonra şagirdlər "Bənövşə" şeirinin bədii qiraətini təqdim ediblər.
