"Elimizə bahar gəlir" adlı tədbir keçirilib
17 mart 2023-cü il tarixdə liseydə Novruz bayramına həsr olunmuş "Elimizə bahar gəlir" adlı tədbir keçirilib. Tədbirdə liseyin şagird və pedoqoji kollektivi və valideynləri iştirak edib.
Tədbirdə liseyin direktoru filologiya elmləri üzrə fəlsəfə doktoru Arif Əsədov çıxış edərək kollektivi Novruz bayramı münasibətilə təbrik edib.
Milli musiqimizin sədaları altında üçrəngli bayrağımız meydana gətirilib.
Bundan sonra səhnə şagirdlərin ixtiyarına verilib. Novruz bayramının simvolu olan Kosa və Keçəl öz duzlu-məzəli çıxışları ilə tamaşaçılara bayram əhval-ruhiyyəsi bəxş edib.
Bahar qızının gəlişi tədbirə rəng qatıb və gözəl rəqsi alqışlarla qarşılanıb. Eyni zamanda "Çərşənbələrin mübahisəsi", "Məxmər nənə" adlı səhnəcik və bir-birindən maraqlı rəqs nömrələri təqdim olunub. Şagirdlər Novruz adətləri haqqında maraqlı məlumatlar söyləyiblər.
Daha sonra şagirdlər tonqal ətrafına toplaşıb yallı rəqsini oynayıb, Qarabağa həsr olunmuş mahnı səsləndiriblər. Tədbir milli musiqimizin sədaları ilə sona çatıb.
