“Mənim kitab daxılım” layihəsinə başladıq
“Azərbaycan Nəşriyyatları Assosiasiyası” İctimai Birliyi (ANAİB) 2023-cü il aprel ayının 8-9-10-u tarixlərində keçən il birincisi anşlaqla baş tutan II Uşaq Kitab Festivalı təşkil edəcək. Uşaqların bayramına çevriləcək bu tədbir Bakı İdman Sarayında baş tutacaq. Bu festivala hazırlıq məqsədilə birliyin idarə heyəti belə bir təkliflə çıxış edib: uşaqların festivala gəlməsinin təmin edilməsi və istədiyi kitabı ala bilməsi məqsədilə “Mənim kitab daxılım” adlı layihənin icrasına başlanılıb. Beləliklə, karton daxıllar Elm və Təhsil Nazirliyinin kurasiyasında olan orta məktəb və özəl liseylərin 1-7-ci sinif şagirdlərinə tamamilə ödənişsiz olaraq paylanılıb, uşaqlara festival barədə məlumat verilib və şagirdlərin tədbirə kimi daxıla topladığı məbləğin istifadə qaydası izah edilb.
Daxılların paylanılma məqsədi şagirdlərə izah edilib, II Uşaq Kitab Festivalı haqqında məlumat verilib (əlavə məlumat və festival barədə informasiyanı izləmək üçün daxıl üzərindəki QRcode telefona oxudulması lazım olduğu qeyd edilib);
Festival rəngarəng olacaq. Şagirdlər sevdikləri uşaq yazıçıları ilə görüşüb onlara sual vermək imkanları olacaq, kitabları imzalada biləcəksiniz. Bundan başqa kukla tamaşaları, şou-proqram, uşaqların ifasında rəqs və mahnılar, masterklasslar, üzboyamalar, əyləncəli və öyrəncəli təlimlərdə, proqramlarda iştirak təşkil olunacaq.
Daxıllar açıq formada olduğu üçün hər hansı bir əmək təlimi (texnologiya) dərsində şagirdlərin öz daxılını düzəltməsi təmin olunub (bu prosesdə qısa videoların və hazır olandan sonra şagirdlərin daxılları əlində tutub şəkil çəkdirməsi təşkil olunub);
Kollektiv şəkildə uşaqların “Kitab festivalına biz də gələcəyik” və ya “Daxıllar festivalda açılacaq!” dediyi videoların çəkilməsi təmin olunub.
“Bu daxıllara siz hər gün pullar – 1, 5, 10 və daha böyük kağız pullar ataraq aprel ayının 8-nə qədər pul yığacaq. Daxıl kartondan olduğu üçün qəpikləri saxlamaya bilər, ona görə də daxıla kağız pul atmaq arzuolunandır. Aprel ayında II Uşaq Kitab Festivalına gələrək daxıllarınızı açıb yığdığınız pullarla istədiyiniz kitabı ala biləcəksiniz”.
Festifal ANAİB-in birbaşa dəstəyi ilə keçiriləcək və uşaqların unudulmaz kitab bayramına çevriləcək II Uşaq Kitab Festivalı gələcək nəsillərin rifahı üçün atılan addımlardandır.
