IV monitorinq keçirilib
BŞTİ müvafiq cədvəlinə və təlimatına uyğun olaraq liseyimizin lX sinfində təhsil alan şagirdlər üçün tədris dili, riyaziyyat və xarici dil fənləri üzrə IV monitorinq keçirilib. Monitorinqdə sual kitabçalarında istifadə edilən tapşırıqlar ümumi orta təhsil pilləsi üzrə buraxılış imtahanlarının məzmununa uyğun tərtib olunub.
Hər bir yoxlamadan sonra nəticələr BŞTİ-nin müvafiq sektoru tərəfindən fənlər, şagirdlər, siniflər, məktəblər üzrə ayrılıqda təhlil edilir, diaqramlar, qrafiklər və statistik göstəricilər şəklində məktəblərə geri göndərilir. Bu da müvafiq fənlər üzrə tədrisin keyfiyyətini ölçmək, çatışmazlıqları aradan qaldırmaq, qərar vermək üçün ciddi məlumat bazası yaradır.
