"Mirvari analar" adlı tədbir keçirib
"Dram və Bədii qiraət" dərnəyinin rəhbəri Mətanət Uluşirvanlının təşkilatçılığı ilə 8 Mart Beynəlxalq Qadınlar günü münasibətilə "Mirvari analar" adlı tədbir keçirilib.
Tədbirdə müəllimlər, valideynlər və dərnək üzvləri iştirak ediblər. Bədii qiraət dərnəyinin üzvləri Cəfər Cabbarlının və Hüseyn Arifin eyni adlı "Ana" şeirlərini söyləyiblər. "Üç qadın", "Sənin anan", və "Mənim mələk anam" mənsur şeirlər də səsləndirilib.
Rəqs və musiqi alətlərində ifa edən dərnək üzvlərinin hər biri öz çıxışları ilə anaları sevindiriblər.
Tədbirin sonunda "Mənim mehriban anam" adlı videoçarx nümayiş olunub.
