1 dəqiqəlik sükut
Azad Arif oğlu Hümbətov 1996-cı il 24 yanvar tarixində Bakı şəhərində anadan olub.
Vətən Müharibəsində Azad Füzuli, Xocavənd, Laçın rayonlarının düşməndən azad edilməsi uğrunda gedən döyüşlərdə rəşadət göstərib, şəxsi keyfiyyətləri ilə fərqlənib. Azad Hümbətov "Füzulinin azad olunmasına görə", "Xocavəndin azad olunmasına görə", "Vətən uğrunda" medalları ilə təltif edilib. 27 oktyabr 2020-ci ildə Laçın rayonu uğrunda gedən döyüşlərdə qəhrəmancasına döyüşüb və şəhid olub.
Vətən Müharibəsində göstərdiyi şücaətə görə 9 dekabr 2020-ci ildə Azad Arif oğlu Hümbətova "Vətən Müharibəsi Qəhrəmanı" (ölümündən sonra) adı verilib.
II Fəxri Xiyabanda dəfn olunub.
2021-ci ilin noyabr ayından 291 nömrəli Ekologiya liseyinə Azad Hümbətovun adı verilib.
Şəhid Azad Arif oğlu Hümbətov bu gün adını daşıdığı liseydə 1 dəqiqəlik sükutla yad edilib.
