20 Yanvar şəhidlərinin əziz xatirəsi yad edilib
17 yanvar 2023-cü il tarixində liseyin coğrafiya müəllimi Rəhilə Hacıyeva 7c sinif şagirdləri ilə birgə Şəhidlər Xiyabanını ziyarət edib.
1990-cı il yanvarın 19-dan 20-nə keçən gecə şəhid qanları ilə Azərbaycanın yeni tarixi yazıldı. 20 Yanvar bu tarixin həm kədər, həm də qürur doğuran səhifəsidir.
Bu dəhşətli faciədən 33 il ötsə də, baş verənlər unudulmur. Vətən uğrunda canından keçən oğul və qızlarımızın qəhrəmanlığı dillərdə dastan olub. Çünki azadlığa gedən yolumuzda ilk cığırları onlar açıblar. Dövlət müstəqilliyimizin bərpası, azad həyatımız üçün ilk növbədə, şəhidlərə borcluyuq.
Şagirdlər şəhidlərin məzarları üzərinə qərənfillər düzüb, ruhlarını 1 dəqiqəlik sükutla yad ediblər.
