Kiçik Akademiyanın seminarı keçirildi
02 dekabr 2022-ci il tarixində liseyin kimya və biologiya müəllimi Ariz Məmmədov Kiçik Akademiyanın növbəti seminarını keçirdi.
Seminarda şagirdlər Qarabağın füsünkar təbiətinə həsr olunan təqdimatlar hazırlanmışdılar. 30 il ərzində işğala məruz qalmış Azərbaycanın bu gözəl diyarı iki ildir ki, döğma insanlarının-əsil sahiblərinin qayğısı altında tədricən dirçəlməkdədir.
İlk olaraq 8d sinif şagirdi Ə.Aylin “Azərbaycanın təbiəti” mövzusunda hazırladığı təqdimatı təqdim etdi. Kiçik Akademiyanın seminarında birinci dəfə çıxış edən Aylinin təqdimatı çox maraqla qarşılandı.
Növbəti məruzəni Acalov Amin təqdim etdi. Əsil vətənpərvərlik ruhunda hazırlanmış təqdimat bir çox cəhətdən bənzərsiz idi.
Müxtəlif şəkillərlə, gözəl dizaynlarla təqdim olunan təqdimatlar seminar iştirakçılarının marağına səbəb oldu. Təqdim olunan təqdimatlar, söylənilən fikirlər Azərbaycanın hər qarış torpağının bizim üçün nə qədər əziz olmasını bir daha nümayiş etdirdi.
Seminarın keçirilməsində texniki dəstək göstərdikləri üçün 8d sinif şagirləri Elgün və Aminə iştirakçılar adından minnətdarlıq edildi.
