Nar bayramı keçirilirdi
04 oktyabr 2022-ci il tarixində biologiya müəllimi Sədaqət Əliyevanın rəhbərliyi ilə 6b sinif şagirdləri ilə liseydə "Nar bayramı" tədbiri keçirdi.
Tədbirə liseyimizin müəllim kollektivi və valideynlər də dəvət olunmuşdu.
Şagirdlər çox böyük həvəslə tədbirə hazırlaşmışdılar. Tədbirdə narın tarixindən, növlərindən, əhəmiyyətindən geniş məlumat verildi.
Şagirdlərimizin təqdimatında saz havaları səsləndi, rəqslər, səhnəciklər nümayiş etdirildi. Səslənən mahnılar nar bayramına rəng qatdı
Tədbirin ən maraqlı hissəsi şagirdlərin narı sıxma və dənələmə yarışı oldu. Şagirdlər çox sevincli idilər, hər komanda qalib olmaq istəyirdi.
Sonra tədbir iştirakçılarına nar şirəsi, nar məmulatları haqqında geniş məlumatlar verildi.
Bu gün şagirdlər üçün ən yaddaqalan günlərdən biri oldu. Bu tədbir bioligiya günləri çərçivəsində keçirilən növbəti tədbirlərindən biri kimi yaddaşlarda qaldı.
Sonda qaliblər hədiyyələrlə mükafatlandırıldı.
