Ozon qatının mühafizəsi gününə aid keçirilmiş seminar
4 oktyabr 2022-ci il tarixində liseydə “16 sentyabr-Ozon qatının mühafizəsi günü” nün qeyd olunması ilə əlaqədar Milli Hidrometeorologiya Xidmətinin Beynəlxalq əməkdaşlıq və ictimaiyyətlə əlaqələr sektoru və İqlim dəyişmələri mərkəzinin əməkdaşlarının iştirakı ilə liseyimizin şagirdləri üçün ekoloji təbliğat xarakterli seminar keçirilmişdir.
Seminar zamanı İqlim dəyişmələri mərkəzinin baş mütəxəssisi Əhmədova Nazilə tərəfindən Ozon qatının qorunmasına dair Vyana Konvensiyası və Ozondağıdıcı maddələrə dair Monreal Protokolu” mövzusunda prezentasiya təqdim olunmuşdur.
Qeyd edək ki, seminarda şagirdlər arasında sual-cavab əsasında diskussiya həyata keçirilmişdir.
Seminarın sonunda Milli Hidrometeorologiya Xidmətinin əməkdaşları tərəfindən tərtib olunmuş təşəkkürnamələr liseyin direktoru Arif Əsədova və diskussiyada ən fəal iştirak edən şagirdlərə təqdim olunmuşdur.
