"Vətən uğrunda" adlı ədəbi-bədii kompozisiya nümayiş etdirildi
27.09.2022-ci il tarixdə liseyin UTBR-i Ətlaz Zeynalovanın təşkilatçılığı ilə Anım Gününə həsr olunmuş "Vətən uğrunda" adlı ədəbi-bədii kompozisiya nümayiş etdirilmişdir.
Əvvəlcə Azərbaycan Respublikaslnın Dövlət Himni səsləndi. Sonra şəhidlərin xatirəsi bir dəqiqəlik sükutla yad edildi.
Liseyin tarix müəlilimi Arzu Bayramova Vətən Müharibəsinin başlama səbəblərindən, ordumuzun göstərdiyi qəhrəmanlıqlardan söhbət açdı.
Şagirdlərə vətəni sevməyi, şəhidlərin keçdiyi döyüş yolunu dərindən öyrənməyi və gələcək nəsillərə çatdırmağı tövsiyə etdi.
Daha sonra liseyin 8a və 7b sinif şagirdlərinin təqdimatında "Vətən uğrunda" kompozisiyası nümayiş etdirildi. Tədbirdə şəhidlərə həsr olunmuş şeirlər, musiqilər səsləndi və video-çarx nümayiş etdirildi.
Tədbirin sonunda şagirdlər şəhidlərin xatirə guşəsi qarşısına qərənfillər qoydular.
