27 sentyabr Zəfərə gedən yolun başlanğıcıdır
27.09.2022-ci il tarixində liseyin tarix müəllimi Arzu Bayramova 9ç sinfində 27 sentyabr Vətən Müharibəsi şəhidlərinin Anım gününə həsr olunmuş açıq dərs keçirtdi.
Əvvəlcə Azərbaycan Respublikasının Dövlət Himni səsləndi. Şəhidlərin xatirəsi bir dəqiqə sükutla yad edildi.
9ç sinfinin tarix müəllimi Arzu Bayramova əvvəlcə şagirdlərə Ermənistan dövlətinin otuz ilə yaxın davam edən hərbi təcavüzü haqqında məlumat verdi.
Sonra Tovuz hadisələri zamanı ermənilərin törətdikləri təxribatları şagirdlərin diqqətinə çatdı. Şagirdlər hazırladıqları "27 sentyabr Zəfərə gedən yolun başlanğıcıdır'", "Şəhidlər bizim fəxrimizdir", "Zəfərimiz bizim şanlı tariximizdir" mövzusundakı çıxışlarını təqdim etdilər.
Eyni zamanda şəhidlərin döyüş yolunu əks etdirən refaratlar təqdim olundu.
