Liseydə "Şuşa ili" qeyd olundu
13.06.2022-ci il tarixində liseyin tarix müəllimi Ziyafət Nəcəfovanın rəhbərliyi ilə 9c sinif şagirdləri ilə akt zalında "Şuşa ili"nə həsr olunmuş "İkinci Qarabağ müharibəsi" adlı dərs-layihə keçirilmişdir.
Şagirdlər 4 qrupa bölünərək, "İkinci Qarabağ haqqında məlumat", "İkinci Qarabağ müharibəsi zamanı Azərbaycanın dinc əhalisinə qarşı terror aktı", "Şəhid-Qəhrəmanlar" videoçarxının hazırlanması, "Qənimətlər parkında" tədqiqat işinin aparılması mövzusunda təqdimatlar hazırlamışlar.
Z.Nəcəfova Xudayar Yusifzadənin haqqında həyatını və döyüş yolunu əks etdirən özünün hazırladığı videoçarxı təqdim etdi.
Lahiyənin məqsədi şagirdləri İkinci Qarabağ müharibəsi hadısələri ilə yaxından tanış etmək, şagirdlərin sərbəst tədqiqat aparmaq bacarığını inkişaf etdirməklə yanaşı, həm də onlarda vətənpərvərlik hissini formalaşdırmaqdan ibarət idi.
Tədbirdə liseyin direktoru filologiya üzrə fəlsəfə doktoru Arif Əsədov, təşkilatı işləri üzrə direktor müavini Zeynəb Qasımova, lisey məsələləri üzrə direktor müavini Samir Əzimov, liseyin psixoloqu Dilbər Ağakişiyeva, tarix müəllimi Şəfiqə Ağayeva, digər müəllimlər və valideynlər iştirak edirdilər.
Sonda liseyin direktoru Arif Əsədov layihənin ərsəyə gəlməsində zəhməti olan Z.Nəcəfovaya və şagirdlərə öz minnətdarlığını bildirdi.
