Şagirdlər Azərbaycan Dövlət Akademik Milli Dram teatrında olmuşlar
05.06.2022-ci il tarixində liseyin tərbiyəvi işlər üzrə direktor müavini Zeynəb Qasımova və informatika müəllimi Nuranə İbrahimxəlilovanın təşkilatçılğı ilə VII və VIII sinif şagirdləri Azərbaycan Dövlət Akademik Milli Dram teatrında olmuşlar.
Şagirdlərimiz teatrda tamaşaya qoyulmuş "Qürbətdən gələn məktublar" əsərinə baxmışlar.
Azərbaycanın görkəmli dramaturqu M.F.Axundovun həyatından bəhs edən tamaşada Əməkdar artist Vəfa Zeynalova, Xalq artisti Hacı İsmayılovla yanaşı, digər məşhur gənc aktyorlar da müxtəlif rollarda çıxış edirdi.
Şagirdlərin tamaşalara baxışını təşkili etməkdə əsas məqsəd onların asudə vaxtını səmərəli təşkil etmək, dünyagörünüşünü formalaşdırmaq, milli-mənəvi dəyərlərimizi qiymətləndirmək, ədəbiyyat və incəsənətə meyil və maraqlarını artırmaqdan ibarətdir.
