Maraqlı insanlarla tanışlıq
AMEA Şamaxı Astrofizika Rəsədxanasına ekskursiya zamanı çoxlu maraqlı məlumatlar əldə olundu.
Bu məlumatlar arasında Rəsədxanın bələdçisinin əl işləri daha çox marağa səbəb oldu.
Şagirdlər qeyri-adi şəkillərin sərgidə nümayişi zamanı məhz bələdçinin bu şəkilləri çəkdiyi məlum oldu. Bu rəsmlər qara taxta üzərindən cərrah bıçağı ilə ağ nöqtələrin işlənməsi nəticəsində meydana gəlmişdi.
Bələdçimiz 1952-ci il təvəllüdlü Quba İnternat evinin yetirməsi Hüseyn Mirtəqəbi Seyid İsa oğlu idi. Sonralar təhsilini BDU-də davam etdirən rəssam şagirdlərimizə öz bacarıq və işləri barədə həvəslə məlumat verdi. Rəssamın əl işləri əsasən, tarixi şəxsiyyətləri, onların həyat və fəaliyyətini əks etdirirdi.
Şagirdlərin belə maraqlı insanlarla tanış olması, bu cür sənət əsərlərini izləmələri, onların gələcək inkişafına müsbət təsir edir.
