Kiçik Akademiyanın növbəti 12-ci seminarı keçirildi
22.04.2022-ci il tarixində Ekologiya liseyində Kiçik Akademiyanın növbəti 12-ci seminarı keçirilmişdir.
Bu seminar bütövlükdə bir sıra heyvanların necə saxlanılmasına həsr edilmişdir.
Məktəbin 7c sinif şagirdləri tutuquşu, pişik və tısbağanın ev şəraitində saxlanılmasının bir sıra xüsusiyyətləri açıqlandı.
İlk olaraq Babayev Cəlal tısbağalar haqqında nəzəri biliklərə əsaslanan təqdimatla çıxış etdi. Evdə saxladığı tısbağanı əyani nümayiş etdirərək, onun saxlanma şəraiti, qidalanma xüsusiyyətləri haqqında geniş məlumat verdi.
Sonra Həsənov Teymur tutuquşular haqqında təqdimatla çıxış etdi və evdə saxladığı tutuquşu barəsində maraqlı məlumatları seminar iştirakçılarının nəzərinə çatdırdı.
Sonda çıxış edən Malik Ağazadə ev şəraitində saxlanılan pişiklər haqqında çıxış etdi, iştirakçıları maraqlandıran bir sıra suallara cavab verdi.
Seminar liseyin biologiya müəllimi İradə Həsənovanın iştirakı ilə aktiv diskussiya şəraitində sona çatdı.
