"Mən sağlam böyüyəcəm" adlı siniflər arası yarışma
31.10.2016-cı il tarixdə liseydə fiziki tərbiyə dərsində "Mən sağlam böyüyəcəm" adlı siniflər arası yarışlar keçirilmişdir. Yarışın məqsədi nəzəri bilikləri praktik vərdişlərə tətbiq etməkdən ibarət olmuşdur. Yarışlar liseyin fiziki tərbiyə müəllimləri Ələkbərova Yelizaveta, Mehtiyev Murad və Səmədova Samirə tərəfindən xüsusi hazırlıqla təşkil olunmuş və idman zalında müxtəlif idman növləri (futbol,basketbol,gimnastika, cüdo, güləş, boks və estafet oyunları) nümayiş etdirilmişdir. Yarışların izlənməsində liseyin təlim-tərbiyə işləri üzrə direktor müavini, təşkilati işlər üzrə direktor müavini, Uşaq birliyi rəhbəri iştirak etmişlər. Sonda liseyin təlim-tərbiyə işləri üzrə direktor müavini yarışlara böyük həvəslə qatılmış şagirdlərə, həm də müəllimlərə təşəkkürünü bildirmişdir.
