Liseyimizin kollektivi Şəhidlər xiyabanını ziyarət etdi
23.03.2022-ci il tarixində Azad Hümbətov adına 291 №li Ekologiya liseyinin kollektivi və Vətən Müharibəsi Qəhrəmanı Azad Hümbətovun ailə üzvləri Şəhidlər xiyabanını, Vətən Müharibəsi Qəhrəmanı Azad Hümbətovun məzarını ziyarət etmişlər.
Əvvəlcə onlar şəhidlərimizin ruhuna "Fatihə" oxumuş, onların müqəddəs məzarları önünə əklillər qoymuş və qərənfillər düzmüşlər.
Şagirdlərimiz Azad Hümbətova həsr olunmuş şeirləri səsləndirmişlər.
Liseyimizin direktoru Arif Əsədov xalqımızın 44 günlük Vətən Müharibəsində Ali Baş Komandan İlham Əliyevin ətrafında sıx birləşməsindən, xalq iqtidar birliyinin torpaqları işğal etmiş düşməni sarsıtmasından, azğın düşmənin işğal etdiyi əzəli Azərbaycan torpaqlarından çıxarılmasından danışmışdır.
Vətən Müharibəsi Qəhrəmanı Azad Hümbətovun atası Arif Hümbətov cənab prezidentimiz İlham Əliyevin şəhid ailələrinə, qazilərə qayğısından danışmış, adını daşıdığı liseydə Azad Hümbətovun adının hər zaman uca tutulmasını xüsusi qeyd etmişdir.
Allah bütün şəhidlərimizə rəhmət eləsin!
