"Novruz Kvesti" adlı tədbir
18.03.2022-ci il tarixində Respublika Uşaq-Gənclər İnkişaf Mərkəzində, İntelletual İnkişaf şöbəsinin təşkil etdiyi "Novruz Kvesti" adlı tədbir təşkil olundu. Tədbirdə Respublikanın Uşaq-Gənclər İnkişaf Mərkəzinin İntellektual şöbəsinin, Turizm və Ekskursiya şöbəsinin əməkdaşları və dərnək rəhbərləri iştirak etdilər.
Kvestinin keçirilməsində əsas məqsəd Milli adət-ənənələrin nəsildən-nəslə ötürülməsi, unudulmaması, bunu oyun şəklində uşaqlara sevdirmək idi.
Qədim zamanlardan Milli bayramımız olan Novruz, şən və əyləncəli oyunları ilə zəngin olmuşdur. Bunu müasir dövrün uşaq, gənc və yeniyetmələrinə çatdırmaq əsas məqsədlərindən sayılır.
Bu kvestə bir neçə məktəbin dərnək üzvləri iştirak etdilər.
İştirakçılardan biri də 291 nömrəli Azad Hümbətov adına Ekologiya liseyinin 5-ci sinif şagirdləri idi. Onlar bu kvestdə komanda şəklində çıxış etdilər.
Tədbir bayramın atributu sayılan Novruz xonçalarının uşaqların bəzəməsi ilə yekunlaşdı.
Nəticədə uşaqlar adət-ənənələrinin bir qismini əyləncəli şəkildə həyata keçirərək əyləndilər.
