"Elimizə bahar gəlir " adlı tədbir
17.03.2022-ci ildə liseydə Novruz bayramına həsr olunmuş "Elimizə bahar gəlir " adlı tədbir keçirildi.
Tədbiri liseyin direktoru Arif Əsədov açaraq şagird və pedoqoji kollektivi, eləcədə valideynləri Novruz bayramı münasibətilə təbrik etdi.
Sonra səhnə şagirdlərin ixtiyarına verildi. Şən mahnılar, rəqslər, kosa və keçəlin duzlu-məzəli çlxışı "Xan" səhnəciyi tamaşaçıların alqışına səbəb oldu.
Şagirdlər adət-ənənələrindən, inanclardan, eyni zamanda Novruza qədər olan dörd çərşənbədən məlumat verdilər.
Daha sonra şənlik bayram tonqalı ətrafinda davam etdi.
Tonqalın ətrafinda bir -birindən maraqlı rəqslər təqdim olundu.
Bayram Yallı rəqsi ilə sona çatdı.
