"Tarixin qan yaddaşı"adlı tədbir
25.02.2022-ci tarixində liseydə Xocalı soyqırımının 30-cu ildönünə həsr olunmuş "Tarixin qan yaddaşı" adlı tədbir keçirilmişdir.
Tədbirdə Xocalıda şəhid olmuş soydaşlarımızın xatirəsi bir dəqiqəlik sükutla yad edildi.
Şagirdlər Xocalıya həsr olunmuş şeir və musiqi nömrələrini təqdim etdilər.
7b sinif şagirdləri Zahid Xəlilin Milli qəhrəman Əlif Hacıyevə həsr olunmuş "Sonuncu güllə" hekayəsi əsasında hazırladıqları kompozisiya ilə çıxış etdilər. Əlif Hacıyevin keçdiyi döyüş yolu izləyicilərin diqqətinə çatdırıldı.
Əlif Hacıyevin adını daşıyan nəvə Əlif Hacıyev tədbirdə iştirak etdi.O, babası ilə bağlı xatrələri tamaşaçılara çatdırdı.
Daha sonra 7a sinfi şagirdləri "Xocalıya ədalət" adlı səhnəciyi təqdim etdilər.
Tədbiridə liseyin tarix müəllimi Şəfiqə Ağayeva çıxış etdi. Torpaqlarımızın işğaldan azad olması və zəfərimizlə bağlı maraqlı faktları izləyiclərə çatdırdı.
Tədbirin sonunda liseyın təşkilati işlər üzrə direktor müavini Zeynəb Qasımova çıxış etdi. O, Xocalı soyqırımı ilə bağlı Nərimanov rayon Gənclər və İdman idarəsinin kecirdiyi inşa və rəsm müsabiqəsinin qaliblərini təbrik etdi.
Tədbir "Cənab leytenant" mahnısının sədaları ilə sona çatdı.
