Kiçik Akademiyanın seminarı
24.02.2022-ci il tarixində liseyin Kiçik Akademiyası 7-ci seminarını keçirilmişdir.
Seminarda Nərimanov rayonu 82 №-li məktəbin müəllimi Cavadova Aygün və kiçik şagird kollektivi iştirak etmişdir
Onlardan ilk öncə Mustafazadə Nihal “Mənim Şuşam” adlı hazırladığı təqdimatla çıxış etdi. Təqdimatda Azərbaycanın mədəniyyət paytaxtı elan edilmiş bu qədim şəhərin ermənilər tərəfindən necə “mədəni soyqırıma” məruz qalması, hansı qədim tikililərin dağıdılması və məhv edilməsi öz əksini tapmışdır.
Həmin məktəbin 8-ci sinif şagirdləri Məmmədova Banuçiçək və Qədirzadə Aysu da Şuşanın bünövrəsinin kim tərəfindən qoyulması, şəhərin inkişaf tarixi, işğalı və azad olunması haqqında maraqlı təqdimatla çıxış etdilər.
Şagirlər danışdıqca onların həyəcanı, emosiyaları hiss olunurdu. Bu hisslər seminar iştirakçılarını biganə qoymadı və həmin hisslər birgə yaşandı.
Sonda liseyimizin şagirdləri qonaqlarla birgə şəkil şəkdirmiş və belə seminarların davamlı olacağına əminlik ifadə etmişlər
