Dövlət Müstəqilliyinin bərpası - 25 il
18.10.2016-cı il tarixdə liseydə Müstəqillik gününə həsr olunmuş silsilə tədbirlər keçirilmişdir. Onu qeyd etmək lazımdır ki, bu bayrama liseydə neçə gün öncə başlanmışdır. Dövlət Müstəqilliiyinin bərpasının 25 illiyinə həsr edilmiş inşa və rəsm müsabiqəsi keçirilmişdir, divar qəzetləri hazırlanmış, fotostendlər tərtib edilmişdir.18.10.2016-cı ildə isə ilk dərslər Müstəqillik gününə həsr edilmişdir. 3b sinfində açıq dərs keçirilmişdir. Şagirdlərə mövzu ilə bağlı ətraflı məlumat verilmiş, böyük Heydər Əliyevin tarixi əhəmiyyətli xidmətlərindən bəhs edilmiş və bu günkü ölkə başçısının ulu öndərin siyasi kursunu layiqincə davam etməsindən söhbət açılmışdır. 9-cu siniflərin iştirakı ilə keçirilən "Müstəqil Vətənim" adlı dəyirmi masada Azərbaycanın 1918-ci ildən bu günədək olan tarixinə ekskursiya edilərək maraqlı və zəngin faktlarla dolu təqdimatlar nümayiş etdirilmişdir.Dəyirmi masada liseyin təşkilati işləri üzrə direktor müavini Z.Qasımova, Uşaq birliyi rəhbəri Ə.Zeynalova, tarix müəllimləri Ş.Ağayeva və L.Stankunas iştirak etmişlər.
