Beynəlxalq Ana dili günü
21.02.2022-ci il tarixində liseydə Beynəlxalq Ana dili gününə həsr olunmuş "Ana dilim" adlı tədbir keçirilmişdir.
Tədbir 8ç sinif şagirdləri ilə liseyin UBR-i Atlaz Zeynalovanın təşkilatçılığı ilə ərsəyə gəlmişdir.
Himn səsləndikdən sonra UBR-i Atlaz Zeynalovanın hazırladığı videoçarx nümayiş olundu.
Sonra A.Zeynalova şagirdlərə öz təşəkkürünü bildirdi. Onların gələcəkdə də bu dilin keşiyində durmalı olduqlarını və dilimizi inkişaf etdirmələrini tövsiyyə etdi.
Tədbirdə Azərbaycan dili və ədəbiyyatı müəllimi Əzimə Bayramova çıxış edərək, doğma dilimizin zənginliyindən söhbət açdı.
Tədbirdə bir-birindən maraqlı çıxışlar və musiqi nömrələri ifa olundu.
Onu da qeyd etmək lazımdır ki, şagirdlər təqdimat işlərini sərbəst şəkildə özləri hazırlamışdılar. Onların təqdimatında Beynəlxalq Ana dili gününün yaranma tarixi, Azərbaycan dilinin keşməkeşli yolu, doğma dilimizin bugünkü səviyyədə olmasında ulu öndər Heydər Əliyevin rolu haqqında məlumatlar səsləndirdilər.
Sonda liseyin təşkilat işlər üzrə direktor müavini Zeynəb Qasımova şagirdlərə Azərbaycan dilinin incəliklərini öyrənməyi, öz dilimizi sevməyi və sevdirməyi onların borcu olduğunu qeyd etdi.
Liseyin direktor müavini Samir Əzimov şagirdlərə belə gözəl tədbir hazırladıqlarına görə öz minnətdarlığını bildirdi.
