Kiçik Akademiyanın seminarı
17.02.2022-ci il tarixində liseyin Kiçik Akademiyası növbəti 7-i seminarını keçirmişdir.
İlk öncə Kiçik Akademiyanın rəhbəri Məmmədov Ariz Liseyin Tədris içləri üzrə yeni təyin olunmuş direktor müavini Samir müəllimi və 178 №-li məktəbin KA rəhbəri Azər Həsənlini təqdim edərək seminarı açıq elan etdi.
Seminarda 178 №-li məktəbdən gələn 6-cı sinif şagirdi Vəliyev Əli “Xocalı soyqırımı” adlı çıxışını təqdim etdi. Məruzədə illər öncə dinc Xocalı sakinlərinin başına gətirilmiş soyqırım faciəsi haqqında söhbət açıldı və seminar iştirakçılarına bir sıra yeni faktlar təqdim edildi.
Hamı tərəfindən vurğulandı ki, Ermənistanın dövlət xadimləri eyni ilə keçmişdə olduğu kimi indi də azərbayanlılara qarşı düşmənçilik siyasəti yürütməkdə davam edirlər.
Çıxışdan sonra 6a sinif şagirdləri Dəniz, Mənsə, Aydın, Zəhra və Ümid “Qələbə yaraşır Azərbayana” adlı şerini ifa etdilər.
Sonra 7c sinif şagirdi Ayaz Salahov dünya miqyasında tanınmış alman bəstəkarı İ.S.Bax haqqında hazırladığı təqdimatı təqdim etdi. Bəstəkarın həyat və yaradıılığı barədə hazırlanmış təqdimat iştirakçılar tərəfindən maraqla qarşılandı, bəstəkarın müsiqisi səsləndirildi.
178 №-li məktəbdən gələn 6-cı sinif şagirdi Quliyeva Ləman Xocalı soyqırımına həsr etdiyi rəsm əsərlərini təqdim etdi. Rəsm işləri alqışla qarşılandı.
Seminarda 7c sinif şagirdi Malik Ağazadə dünya kulinariyasına aid hazırladığı işlə çıxış etdi.
Sonda seminar iştirakçıları birgə şəkil çəkdirdilər
