Basketbol komandamızdan növbəti qələbə
15-16 fevral 2022-ci il tarixlərində 212 saylı tam orta məktəbin idman zalında Nərimanov Rayon Gənclər və İdman İdarəsi tərəfindən Aprel döyüşləri şəhidi Mahir Mirzəyevin xatirəsinə həsr edilmiş qızlar və oğlanlar arasında basketbol idman növü üzrə rayon turniri keçirildi.
Yarışın keçirilməsində məqsəd aprel döyüşlərində şəhid olmuş Mahir Mirzəyevin xatirəsini yad etmək, məktəbliləri basketbol idman növünə cəlb edərək bu idman növünü daha da inkişaf etdirmək, onların fiziki cəhətdən inkişafının və sağlamlıqlarının qorunmasını təmin etmək idi.
Yarışın açılış mərasimində Nərimanov Rayon Gənclər və İdman İdarəsinin aparıcı məsləhətçisi Vüsal Ömərov, Aprel döyüşləri şəhidi Mahir Mirzəyevin atası Sabir Mirzəyev, Vətən müharibəsi qazisi Mehti Əzizov, rayon ərazisində fəaliyyət göstərən orta ümumtəhsil məktəblərin fiziki tərbiyə müəllimləri və şagirdlər iştirak etmişlər.
Liseyin qızlardan ibarət basketbol komandamız Nərimanov rayon turnirində lll yeri qazandılar.
Şagirdlərimizi, onların valideynlərini və fiziki tərbiyə müəllimlərimizi təbrik edirik!
