Kiçik Akademiyanın növbəti seminarı
10.02.2022-ci il tarixində Kiçik Akademiyanın 6-cı seminarı keçirilmişdir.
Seminarda 7c sinif şagirdi Malik Ağazadə “Ən bahalı yeməklər” mövzusunda hazırladığı təqdimatla çıxış etmişdir. Çıxışında video materialdan, müxtəlif şəkillərdən istifadə edən təqdimatçı dünya kulinariya sahəsində mövcud olan maraqlı faktlarla seminar iştirakçılarını məlumatlandırdı.
Məlum oldu ki, ən bahalı biradamlıq yemək 34 min dollardan (58 min azn) artıq qiymətə satılır. Malik öz şəxsi fikrini söyləyərək bu pulun daha səmərəli sahələrə xərclənməsinə üstünlük verdiyini qeyd etdi.
Təqdimat böyük maraqla dinlənildi və diskussiya şəraitində keçdi.
Seminarda 7c sinif şagirdi Mehdi Mehdizadə “Daft Punk” musiqi qrupu haqqında hazırladığı təqdimatla çıxış etdi. 1993-cü ildə Fransada yaradılmış bu qrup 2021-ci ildə qrup olaraq fəaliyyətlərini dayandırdığını elan etdi. Təqdimatçı qrupun fəaliyyət göstərdiyi illərdə maraqlı hadisələr və onların nailiyyətlər haqqında məlumatlar verdi.
Çıxış musiqi ilə məşğul olan şagirdlər arasında böyük maraqla qarşılandı, çoxlu suallar verildi.
Seminarda iştirak edən biologiya müəllimləri İradə Zöhrabova, Ariz Məmmədov çıxışları diqqətlə dinlədilər və tövsiyələrini verdilər.
