Yarat muzeyi
03.02.2022-ci il tarixində liseyin 7d sinif şagirdləri liseyin laborantı Vüsalə Həsənovanın təşkilatçılığı ilə “Yarat”müzeyində “Mistik ruhun ömrü" sərgisinə ekskursiya təşkil etdilər.
Şagirdlər “Mən məqsədəm, mən yolam, mən yolçuyam” deyən Mir Nadir Zeynalovun incəsənət dünyası ilə tanış oldular.
Şagirdlərə planşet və karandaş paylandı. Sonra şagirdlərə təlimat verlidi. Planşetdə əks olunan rəsmi tapmaq və onun cizgilərini əks etdirmək tapşırığı verildi.
Şagirdlər iki-iki qruplara bölündü. Tez bitirən qrup təyin olunmuş yerdə digər qrupları gözləməli idi.
Daha sonra hər bir şagirdə işlədikləri rəsm barədə məlumat verildi. Mir Nadir Zeynalovun incəsənət dünyası nostaljikdir; o, universal simvollar dilində danışır, bu sakral obrazlılıq məkanına öz fəlsəfəsini daşıyır. Məhz bu səbəbdən rənglərin dili ilə onlara rəssamın nə çatdırdığı və şagidlərin bu rəsmlərdə nələri gördükləri soruşuldu.
Şagirdlər isti və soyuq rənglərin kontraktı barədə düşündüklərini dedilər. Şagirdlər rəsm əsərlərində rəssamın bu rənglərin dili ilə onlara hansı mesaj verdiklərini çox maraqla cavablandırdılar.
Ekskursiya şagirdlərin böyük marağına səbəb oldu.
