2 fevral- Gənclər gününə həsr olunmuş "Dəmir bilək" tədbiri
02 fevral 2022-ci il tarixdə liseyimizdə Gənclər Günü münasibəti ilə Azərbaycan Yunan-Roma güləşçisi, Dünya və Avropa Çempionu, Tokio 2020 Olimpia Oyunlarının bürünc mükafatçısı, liseyimizin məzunu Rafiq Hüseynovla görüş keçirilmişdir.
Liseyin direktoru Arif Əsədov tədbiri giriş sözü ilə açaraq 44 günlük Vətən Müharibəsindəki şanlı qələbəmizdən, bu qələbədə gənclərin rolundan danışmışdır.
Sonra Olimpia himninin sədaları altında Rafiq Hüseynov səhnəyə dəvət olundu. Rafiq Hüseynov öz idman karyerası, məktəb illəri, maraqlı döyüşləri haqqında məlumat vermiş, dövlətimizin idmana qayğısından bəhs etmişdir.
Görüşdə Rafiq Hüseynovun müəllimləri onun təhsil aldığı illərdə nümunəvi davranışları, təlim və tərbiyəsi haqqında xatirələrini danışmış, onun dərslərini yaxşı oxumağı ilə bərabər, fənlərə marağından söhbət açmışlar.
Daha sonra söz şagirdlərə verildi. Şagirdlər Rafiq Hüseynova suallarını vermiş, maraqlı müzakirə aparılmışdır.
8-ci sinif şagirdləri T.Xanbabayev və Ə. Vəlizadə güləşin fənlərini icra etdilər.
Liseyin gimnastçı qızları maraqlı oyun nümayiş etdirdilər.
Liseyin beşincilərdən ibarət xor kollektivi isə Rafiq Hüseynova həsr olunmuş "Dəmir bilək" adlı mahnını ifa etdilər.
Sonda Rafiq Hüseynova liseyin "Fəxri Məzun" hədiyyəsi təqdim olundu.
