Liseyimizin şagirdləri stolüstü tennis turniridə ll yeri qazanmışlar
28 yanvar 2022-ci il tarixdə 258 nömrəli tam orta məktəbdə şəhid Əlövsət Tahirovun xatirəsinə həsr edilmiş stolüstü tennis üzrə Nərimanov rayon turniri keçirilib.
Turnirdə Nərimanov Rayon Gənclər və İdman İdarəsinin rəisi Nəcəf Novruzov, 258 nömrəli tam orta məktəbin direktoru Sədaqət Hüseynova, şəhid Əlövsət Tahirovun anası Qüdrət Tahirova, qardaşı Vüqar Tahirov, rayon ərazisində fəaliyyət göstərən ümumtəhsil məktəblərinin fiziki tərbiyə müəllimləri və məktəblilər iştirak etmişlər.
Yarışda 10 komanda tərkibində 20 nəfər (10 oğlan, 10 qız) məktəbli mübarizə aparmışdır.
I yeri 212 nömrəli tam orta məktəbin, II yeri Vətən Müharibəsi Qəhrəmanı Azad Hümbətovun adına 291 nömrəli liseyin və III yeri 258 nömrəli tam orta məktəbin komandaları tutmuşlar.
