Ömür qatarı
21.01.2022-ci il tarixində liseyin UBTR-i Atlaz Zeynalovanın təşkilatçılığı ilə 8ç sinif şagirdləri ilə birgə şəhid Qasımov Orxan Rizvan oğlunun doğum gününə həsr olunmuş xatirə gecəsi keçirilmişdir.
Görüşdə liseyin pedoqoji kollektivi, valideynlər, eləcə də şəhidin ailə üzvləri, onun Azərbaycan dili və ədəbiyyat müəllimi, tələbə yoldaşları iştirak etdilər.
Tədbirdə tərbiyəvi işlər üzrə direktor müavini Zeynəb Qasımova, coğrafiya müəllimi Səadət Kərimova, tarix müəllimi Arzu Bayramova çıxış edərək, Orxanın keçdiyi döyüş yolundan bəhs etdilər. Orxanın keçdiyi bu şərəfli yolun bizim üçün bir qürur mənbəyinə çevrildiyini vurğuladılar. Şəhidin ailəsinə səbr dilədilər.
Sonra söz şagirdlərə verildi. Şagirdlər Orxanın ömür yolundan böyük vətənpərvərlik hissi ilə bəhs etdilər.
Tədbirdə Orxan Qasımova həsr olunmuş şeirlər və video-çarx nümayiş etdrildi.
Daha sonra 8ç sinif şagirdı Abdullayev Məmmədtağının təqdimatında gənc nəsli vətənpərvərliyə səsləyən "Vətənpərvərlik andı" təqdim olundu.
Mahmudzadə Orxan isə xatirə olaraq çəkdiyi Fizuli şəhərinin tablosunu şəhidin bacısına təqdim etdi.
Sonda Orxan Qasımovun xatirəsinə hörmət əlaməti olaraq, onun xatirə guşəsinə qərənfillər qoyuldu.
