Şəhidlər xiyabanı-Müqəddəs məkan
Şəhidlər xiyabanı...And yerimiz... Müqəddəs məkan... Hər dəfə bu yeri ziyarət etmək bizə hüzn qarışıq bir qürur hissi verir. Həyatlarını bizim xoşbəxt gələcəyimiz uğrunda qurban vermiş vətənimizin qəhrəman oğul və qızları ilə fəxr edirik.
Liseyin 7b və 7ç sinif şagirdləri liseyin müəllimləri Səbinə Məmmədova,Cəmilə Budaqova, Şəlalə Ağacanovanın rəhbərliyi ilə “Şəhidlər Xiyabanını “ ziyarət etdilər. Şagirdlər məzarların üstünə tər qərənfillər qoyur, dualar oxuyur, qarşısında durduqları hər məzar daşının üstündəki təvəllüdlərə baxır, bu gənc insanların fədakarlığı qarşısında dərin hörmət hissi ilə susurdular.
Şagirdlər 20 Yanvar şəhidləri ilə yanaşı Xocalı, Daşaltı şəhidlərinin, eləcə də Çingiz Mustafayevin və Salatın Əsgərovanın məzarlarını ziyarət etdilər.
