Göyçədən süzülən sözün, sazın sehri
21.12.2021-ci il tarixində liseydə Aşıq Ələsgərin 200 illik yubileyinə həsr olunmuş "Göyçədən süzülən sözün, sazın sehri" adlı tədbir keçirildi. Tədbiri liseyin direktoru filologiya elmləri üzrə fəlsəfə doktoru Arif Əsədov açdı.
Tədbirdə həmişə olduğu kimi liseyin valideynləri yaxından iştirak etdilər.
İlk olaraq şagirdlər Aşıq Ələsgərin "Dağlar" şeirini ifa etdi. Şəhram və Xəyyam qardaşlarının ifa etdiyi saz havası isə hamının alqışına səbəb oldu. Liseyin xor kollektivi aşığın sözlərinə bəstələnmiş bir-birindən maraqlı musiqi nömrələri təqdim etdilər. 9 a sinifinin ifasında təqdim olunan "Aşıq Ələsgərin Naxçıvan səfəri" adlı səhnəcık tamaşaçılar tərəfindən rəğbətlə qarşılandı. Tədbir saz musiqisinin sədaları ilə sona yetdi.
